5. Xabarlar (ichki yozishmalar)

Qo'llanma · Kundalik ish

"Xabarlar" bo'limi — talaba, ota-ona va boshqa xodimlar bilan tizim ichida yozishish. Bu oddiy chat emas: har bir suhbatning mas'ul xodimi, bo'limi, holati, muhimligi va javob berish muddati bor. Barcha yozishmalar saqlanib qoladi, shuning uchun rasmiy savol-javoblarni shu yerda olib borish qulay. Sahifa uch ustundan iborat: chapda suhbatlar ro'yxati, o'rtada tanlangan suhbat, o'ngda suhbat haqida ma'lumot.

5.1. Xabarlar sahifasi (suhbat tanlanmagan holat)

Sahifa: /messages

№	Rasmda nima	Bu nima uchun kerak
1	Suhbat qidirish	Ism bo'yicha suhbatni topish. Yonidagi belgi — ro'yxat uchun kengaytirilgan filtr (5.6-bo'lim).
2	Filtr tugmalari (tablar)	Barchasi / O'qilmagan / Mening suhbatlarim / Yopilgan. Yonidagi raqam — shu guruhdagi suhbatlar soni.
3	Suhbatlar ro'yxati	Har bir qatorda: ism, kim ekani (Talaba / Ota-ona / Xodim / Guruh), oxirgi xabar va vaqti. Bosilsa, suhbat o'rtada ochiladi (5.2).
4	Suhbat maydoni	Hech narsa tanlanmaganda "Suhbat tanlang" yozuvi va "Yangi suhbat boshlash" tugmasi turadi.
5	Yangi suhbat	Yangi shaxs yoki guruh bilan yozishishni boshlash (5.7).
6	Ko'rsatkichlar	O'qilmagan xabarlar, bugungi javoblar va javob muddati o'tgan suhbatlar soni.
7	Filtrlar	Bo'lim, holat, prioritet, sana, kanal va mas'ul bo'yicha saralash paneli (5.6).
8	Eksport	Suhbatlar ro'yxatini faylga yuklab olish.

5.2. Suhbat oynasi — suhbat ustiga bosilganda

Sahifa: /messages

Ro'yxatdagi suhbatga bosilsa, o'rtada yozishmalar, o'ngda esa suhbat haqidagi to'liq ma'lumot va tezkor amallar chiqadi.

Ochilgan suhbat: yozishmalar, yozish paneli va o'ng panel

№	Rasmda nima	Bu nima uchun kerak
1	Suhbatdosh	Ism, kim ekani (Talaba/Xodim/...), telefon va email. Ism ustiga bosilsa profili ochiladi.
2	Yo'naltirish	Suhbatni boshqa bo'lim yoki xodimga o'tkazish (5.4).
3	Yopish / Ochish	Suhbatni yakunlash. Yopilgan suhbatda tugma "Ochish" ga aylanadi — qayta ochish mumkin.
4	Uch nuqta (⋮)	Qo'shimcha amallar: kontakt ma'lumoti, suhbatda qidirish, prioritet, kutilmoqda (5.3).
5	Kelgan xabarlar	Chap tomonda, kulrang fonda. Yuqorida yuboruvchi ismi, pastda vaqti.
6	Sizning xabarlaringiz	O'ng tomonda, ko'k fonda.
7	Ikki qush (✓✓) belgisi	Xabar suhbatdosh tomonidan o'qilgan. Bitta qush — yetkazilgan, hali o'qilmagan.
8	Kanal tablari: Ichki xabar / Email	Xabar qaysi yo'l bilan ketishini tanlash. Ichki — ilova va tizim ichida; Email — suhbatdosh pochtasiga.
9	Yozish maydoni	Xabar matni. Enter — yuborish, Shift+Enter — yangi qator.
10	Fayl	Rasm, PDF, Word va boshqa fayl biriktirish. Yuborilgan fayllar keyin o'ng paneldagi "Fayllar" da ko'rinadi.
11	Ovoz	Ovozli xabar yozib yuborish (mikrofon ruxsati so'raladi).
12	Shablon	Tayyor matnlardan tanlash (5.5).
13	Emoji	Emoji paneli (5.5).
14	Yuborish	Xabarni jo'natish. Maydon bo'sh bo'lsa tugma xira (ishlamaydi).
15	Suhbat ma'lumotlari	Mas'ul bo'lim, Holat, Prioritet va Javob muddati. Qizil "6 kun 10 soat" — muddat shuncha o'tib ketgan.
16	Teglar	Suhbatga yorliq qo'yish (masalan, "imtihon", "jadval") — keyin filtrlashda qulay. "+ Teg qo'shish" (5.8), x — tegni olib tashlash.
17	Ishtirokchilar	Suhbatda kim bor: Ishtirokchi (talaba/xodim) va Operatorlar (javob beradigan xodimlar).
18	Tezkor amallar	Xodimga qo'ng'iroq qilish (telefon ilovasi ochiladi), Email yuborish, Suhbatni yopish.

Qadam-baqadam: xabarga javob berish

1Chap ro'yxatdan "O'qilmagan" tabini bosing — yangi xabarlar chiqadi.
2Suhbatga bosing, xabarni o'qing.
3Pastdagi maydonga (9) javob yozing. Kerak bo'lsa fayl (10) yoki shablon (12) qo'shing.
4Enter yoki "Yuborish" (14). Suhbatdosh o'qigach xabar yonida ✓✓ paydo bo'ladi.
5Savol to'liq hal bo'lsa — "Yopish" (3). Suhbat "Yopilgan" tabiga o'tadi.

5.3. Uch nuqta (⋮) menyusi

Sahifa: /messages

№	Rasmda nima	Bu nima uchun kerak
1	Kontakt ma'lumoti	Suhbatdoshning turi, telefoni, emaili, bo'limi, holati va mas'ul xodimi bitta oynada (Rasm 12h).
2	Suhbatda qidirish	Yozishmalar ichida so'z bo'yicha qidirish qatori ochiladi. Esc — yopish.
3	Prioritet: Yuqori / O'rta / Past	Suhbat muhimligini o'zgartirish. O'ng panelda va ro'yxatda rang bilan ko'rinadi.
4	Kutilmoqda deb belgilash	Suhbatdoshdan javob kutilayotganini bildirish — bu vaqtda javob muddati (SLA) sizga hisoblanmaydi.

5.4. Suhbatni yo'naltirish

Sahifa: /messages

Savol sizning bo'limingizga tegishli bo'lmasa (masalan, talaba to'lov haqida so'rasa, siz esa dekanat xodimi bo'lsangiz) — suhbatni tegishli bo'lim/xodimga yo'naltiring. Suhbat tarixi saqlanib qoladi.

№	Rasmda nima	Bu nima uchun kerak
1	Joriy holat	Suhbat hozir qaysi bo'limda, holati va prioriteti.
2	Bo'lim *	Qaysi bo'limga yo'naltirish (majburiy).
3	Mas'ul xodim *	O'sha bo'limdan aniq xodim (majburiy). Bo'lim tanlangach ro'yxat shu bo'lim xodimlariga torayadi.
4	Prioritet *	Yangi mas'ul uchun muhimlik darajasi.
5	Javob muddati *	Yangi mas'ul qancha vaqtda javob berishi kerak: 4 / 8 / 24 / 48 soat.
6	Izoh *	Nima uchun yo'naltirilayotgani (majburiy, 500 belgigacha). Yangi mas'ul shu izohni ko'radi.
7	Talabaga yo'naltirish haqida xabar berish	Belgilangan bo'lsa, talabaga "Murojaatingiz boshqa bo'limga yo'naltirildi" degan bildirishnoma boradi.
8	Menda kuzatuvda qolsin	Belgilansa, suhbat sizning "Mening suhbatlarim" ro'yxatida ham qoladi (kuzatib borish uchun).
9	Yangi mas'ul	Tanlangan xodimning ismi, telefoni va emaili — tekshirish uchun.
10	Yo'naltirish	Tasdiqlash. Yangi mas'ulga bildirishnoma boradi.
11	Bekor qilish	Oynani o'zgarishsiz yopish.

5.5. Shablonlar va emoji

Sahifa: /messages

№	Rasmda nima	Bu nima uchun kerak
1	Shablon kartochkasi	Bosilsa, matn yozish maydoniga tushadi. {{student_name}} kabi qavsdagi so'zlar avtomatik talaba ismi va boshqa ma'lumotlar bilan to'ldiriladi.
2	Bildirishnoma shablonlari	Shablonlar ro'yxati shu sahifada tahrirlanadi (Bildirishnomalar → Shablonlar). Oddiy xodim faqat foydalanadi.
3	Yopish (x)	Oynani yopish.

№	Rasmda nima	Bu nima uchun kerak
1	Emoji paneli	Bo'limlar: Yuzlar, Qo'llar, Yuraklar, Tabiat, Ovqat, Faoliyat, Narsalar, Belgilar. Bosilsa, matnga qo'shiladi.
2	Emoji tugmasi	Panelni ochish/yopish. Esc — yopish.

5.6. Filtrlar

Sahifa: /messages

Filtrlar paneli (yuqoridagi "Filtrlar" tugmasi bosilganda)

№	Rasmda nima	Bu nima uchun kerak
1	Filtrlar tugmasi	Panelni ochadi/yopadi. Filtr qo'yilgan bo'lsa tugma ko'k rangda turadi.
2	Bo'lim / Holat	Mas'ul bo'lim va suhbat holati (Ochiq / Kutilmoqda / Yopilgan).
3	Prioritet / Sana oralig'i	Muhimlik va oxirgi xabar sanasi.
4	Kanal / Mas'ul xodim	Ichki xabar / Email / Telegram; javob beruvchi xodim.
5	Belgilar	Faqat o'qilmagan; Javob muddati o'tgan; Fayl biriktirilgan.
6	Tozalash	Barcha filtrlarni bekor qilish.
7	Qo'llash	Filtrlarni ishga tushirish — ro'yxat qisqaradi.
8	Ro'yxat filtri belgisi	Chap ro'yxat ustidagi kichik belgi — shu panelning qisqa varianti.

5.7. Yangi suhbat boshlash

Sahifa: /messages

№	Rasmda nima	Bu nima uchun kerak
1	Kim bilan: Talaba / Xodim / Guruh / Ota-ona	Suhbatdosh turini tanlang. "Guruh" — butun o'quv guruhiga bir vaqtda yozish.
2	Qidiruv	Ism, telefon yoki talaba ID bo'yicha.
3	Ro'yxat va katakchalar	Kerakli odamni belgilang. Bir nechtasini tanlash mumkin.
4	Barcha natijalar / Barchasini yuklash	Topilganlar soni; ro'yxat uzun bo'lsa qolganini yuklash.
5	Tanlanganlar	Kimlar tanlangani. "Barchasini tozalash" — hammasini olib tashlash. Har birining yonida x.
6	Suhbat turi	Individual — har bir tanlangan bilan alohida suhbat; Guruh suhbati — hammasi bitta suhbatda.
7	Mas'ul bo'lim (ixtiyoriy)	Suhbat qaysi bo'lim nomidan olib boriladi.
8	Boshlang'ich xabar (ixtiyoriy)	Birinchi xabar matni (500 belgigacha). Bo'sh qoldirilsa, suhbat bo'sh ochiladi.
9	Xabar kanallari	Ichki xabar (har doim), Email, Telegram — qo'shimcha kanallar bo'yicha ham yuborish.
10	Suhbat boshlash	Kamida bir kishi tanlanmaguncha tugma xira.
11	Bekor qilish	Oynani yopish.

1"Yangi suhbat" tugmasini bosing, yuqoridan "Talaba" (1) ni tanlang.
2Qidiruvga (2) familiyani yozing, ro'yxatdan katakchani (3) belgilang.
3Kerak bo'lsa boshlang'ich xabar (8) yozing va kanallarni (9) tanlang.
4"Suhbat boshlash" (10) — yangi suhbat ro'yxatda paydo bo'ladi va o'rtada ochiladi.

5.8. Teglar va kontakt ma'lumoti

Sahifa: /messages

№	Rasmda nima	Bu nima uchun kerak
1	+ Teg qo'shish	Yangi teg kiritish maydonini ochadi.
2	Teg nomi	Qisqa so'z yozing (masalan, "stipendiya").
3	Qo'shish	Tegni saqlash. Bir suhbatga bir nechta teg qo'yish mumkin.
4	x (teg yonida)	Tegni olib tashlash.
5	Ishtirokchilar	Ishtirokchi — suhbatdosh; Operator — javob beradigan xodimlar. Yo'naltirilgan suhbatda yangi mas'ul ham operator bo'lib qo'shiladi.

Kontakt ma'lumoti oynasi (⋮ → Kontakt ma'lumoti)

№	Rasmda nima	Bu nima uchun kerak
1	Sarlavha	Suhbatdosh ismi.
2	Ma'lumotlar jadvali	Turi, telefon, email, mas'ul bo'lim, suhbat holati, mas'ul xodim. Faqat ko'rish uchun — o'zgartirilmaydi.
3	Yopish	Oynani yopish.

Suhbat holatlari

Holat	Rangi	Nimani bildiradi
Ochiq	Yashil	Faol suhbat — javob berish kerak. Javob muddati (SLA) hisoblanmoqda.
Kutilmoqda	Sariq	Siz javob berdingiz, suhbatdoshdan javob kutilmoqda. SLA to'xtab turadi.
Yopilgan	Kulrang	Suhbat yakunlangan. "Yopilgan" tabida turadi; "Ochish" bilan qayta ochiladi.

Prioritet (muhimlik)

Holat	Rangi	Nimani bildiradi
Yuqori	Qizil	Birinchi navbatda javob bering.
O'rta	Sariq	Odatiy suhbat.
Past	Kulrang	Shoshilinch emas.

Javob muddati (SLA) belgilari

Holat	Rangi	Nimani bildiradi
Vaqtida javob berilgan	Yashil	Muddat ichida javob bergansiz.
Javob kutilmoqda	Sariq	Muddat hali o'tmagan, lekin javob berilmagan.
Muddat oshgan (masalan, "6 kun 10 soat")	Qizil	Javob muddati shuncha vaqtga o'tib ketgan. Bu ko'rsatkich bo'lim rahbariga hisobotda ko'rinadi.

Kanallar va boshqa belgilar

Holat	Rangi	Nimani bildiradi
Ichki xabar	—	Tizim va mobil ilova ichidagi xabar (asosiy kanal).
Email	—	Suhbatdosh pochtasiga ham yuboriladi.
Telegram	—	Telegram orqali KELGAN suhbat. Telegramga yozib bo'lmaydi — javob ichki xabar yoki email bilan ketadi.
Talaba / Ota-ona / Xodim / Guruh	Rangli yorliq	Suhbatdosh kim ekani.
✓ / ✓✓	—	Yetkazildi / O'qildi.
Fayl yuborildi	—	Ro'yxatda oxirgi xabar fayl bo'lganini bildiradi.

Eslatma: "Javob muddati o'tgan" ko'rsatkichi nolga teng bo'lishiga harakat qiling — talaba va ota-onalarning savollariga o'z vaqtida javob berish xizmat sifatining ko'rsatkichidir. Agar javob bera olmasangiz — suhbatni yo'naltiring (5.4), "Kutilmoqda" deb belgilang (5.3) yoki "Yopish" ni bosing.

Topshiriqlar va vazifalar Bildirishnomalar markazi