21. Yotoqxona
Qo'llanma · Xo'jalik va xizmatlar
Sahifa: /dormitory
Yotoqxonaning hamma ishi bitta ekranda bajariladi: joylashtirish ham, bino-xona kiritish ham. Alohida "boshqaruv" tabi yo'q — qo'shish va tahrirlash tugmalari o'zi tegishli narsaning yonida turadi: binolar ro'yxati ostida "Bino qo'shish", qavatlar ostida "Qavat qo'shish", reja panjarasining oxirida "+ Xona" katagi, bino qatorida va xona panelida esa qalam belgisi.
Eslatma: Qo'shish va tahrirlash tugmalari faqat tegishli ruxsati bor xodimda ko'rinadi (dormitory.create / dormitory.update). Dekanat xodimida odatda faqat "Talaba joylashtirish" huquqi bo'ladi — u bu tugmalarni umuman ko'rmaydi.
21.1. Asosiy ekran
Sahifa: /dormitory
| № | Rasmda nima | Bu nima uchun kerak |
|---|---|---|
| 1 | Eksport | Yashovchilar va arizalar ro'yxatini faylga chiqarish. |
| 2 | Talaba joylashtirish | Talabani xonaga joylashtirish oynasini ochadi. |
| 3 | Ko'rsatkichlar | Jami joylar, band joylar, bo'sh joylar, arizalar navbati va qarzdorlik summasi. |
| 4 | Filtrlar | Bino, qavat, xona turi, jins va status bo'yicha. |
| 5 | Filtrlarni tozalash | Barcha filtrlarni bekor qiladi. |
| 6 | Bino va qavat paneli | Chapdagi ro'yxat: binolar, ular ichida qavatlar. |
| 7 | Bino qatori | Bosilsa shu binoning rejasi ochiladi. O'ng chetida joylar soni. |
| 8 | Qavat qatori | Bosilsa shu qavat rejasi ko'rsatiladi. O'ng chetida xonalar soni. |
| 9 | Qavat qo'shish | Binoga yana bitta qavat qo'shadi va ekran darhol yangi qavatga o'tadi (21.6). |
| 10 | Bino qo'shish | Yangi yotoqxona binosi formasini ochadi (21.4). |
| 11 | Yo'l ko'rsatkichi | Hozir qaysi bino va qavatga qarayotganingiz. |
| 12 | Ranglar izohi | Katak ranglari nimani bildirishi. |
| 13 | Sxema / Ro'yxat | Xonalarni katak (sxema) yoki jadval ko'rinishida ko'rish (21.2). |
| 14 | Joylashuv | Kataklarni sudrab ko'chirish rejimini yoqadi (21.3). |
| 15 | Xona katagi | Xona raqami va bandligi (masalan 4/4). Bosilsa o'ngda xona paneli ochiladi. |
| 16 | + Xona katagi | Panjaraning oxiridagi bo'sh katak — shu qavatga yangi xona qo'shadi (21.5). |
| 17 | Xona paneli | Tanlangan xona: bino/qavat, turi, jinsi, joylar, holati va maydoni. |
| 18 | Qalam va ✕ | Qalam — xonani tahrirlash (21.5); ✕ — panelni yopish. |
| 19 | Qo'shish | Shu xonaga talaba joylashtirish. Xona bo'sh bo'lsa panel o'rtasida "Talaba joylashtirish" tugmasi chiqadi. |
| 20 | Yashovchi qatori | Talaba ismi, guruhi, nechanchi joyda yashashi va to'lov holati. Savat belgisi — xonadan chiqarish. |
Xona holatlari (katak ranglari)
| Holat | Rangi | Nimani bildiradi |
|---|---|---|
| Band (to'liq) | Yashil | Barcha o'rinlar band (masalan 4/4). |
| Qisman band | Sariq | Bo'sh o'rin bor (masalan 1/3). |
| Bo'sh | Qizil | Hech kim yashamaydi. |
| Yopiq / ta'mirda | Kulrang | Xona vaqtincha yopilgan — joylashtirib bo'lmaydi va joylari bo'sh deb sanalmaydi. |
- 1Chapdan binoni, so'ng qavatni tanlang.
- 2Sxemadan kerakli xonani bosing — o'ngda xona paneli ochiladi.
- 3"Qo'shish" (19) yoki bo'sh xonadagi "Talaba joylashtirish" tugmasini bosing.
- 4Talabani qidirib tanlang, boshlanish sanasi va oylik to'lovni tasdiqlang.
- 5"Saqlash" — talaba ro'yxatga tushadi, xona bandligi va yuqoridagi ko'rsatkichlar darhol yangilanadi.
Diqqat: Bir talaba bir vaqtda faqat bitta xonada yashay oladi; band joyga ikkinchi talabani qo'yib bo'lmaydi va ta'mirdagi xonaga joylashtirish tugmasi o'chirilgan bo'ladi. Talabani chiqarish — yashovchi qatoridagi savat belgisi orqali; joy shu zahoti bo'shaydi.
Sahifa pastida arizalar navbati turadi — yotoqxonaga joy so'rab ariza bergan talabalar: talaba, guruh, bino, xona turi, ustuvorlik, ariza sanasi va status. Ustuvorlik ariza mazmunidan avtomatik chiqadi (yetim yoki nogironligi bor talabaga — Yuqori).
Ariza holatlari (navbat)
| Holat | Rangi | Nimani bildiradi |
|---|---|---|
| Kutilmoqda | Sariq | Ariza ko'rib chiqilmoqda. |
| Tasdiqlangan | Ko'k | Ariza ma'qullangan, joy ajratish kutilmoqda. |
| Joylashtirildi | Yashil | Talaba xonaga joylashtirilgan. |
| Rad etildi | Qizil | Ariza rad qilingan. |
21.2. "Ro'yxat" ko'rinishi
Sahifa: /dormitory
Sxema o'rniga jadval ko'rinishi — bir qavatdagi hamma xonani ustma-ust ko'rish qulay bo'lgan holatlar uchun.
| № | Rasmda nima | Bu nima uchun kerak |
|---|---|---|
| 1 | Sxema | Katak (reja) ko'rinishiga qaytadi. |
| 2 | Ro'yxat | Joriy ko'rinish — jadval. |
| 3 | Xona | Xona raqami. Qatorga bosilsa o'ngda xona paneli ochiladi. |
| 4 | Turi | "3 o'rinlik", "4 o'rinlik" yoki xizmat katagi. |
| 5 | Jins | Xona kimlar uchun: o'g'il bolalar, qizlar yoki belgilanmagan. |
| 6 | Band | Band/jami joylar. |
| 7 | Holat | Band (to'liq) / Qisman band / Bo'sh / Yopiq / ta'mirda. |
21.3. "Joylashuv" — kataklarni sudrab ko'chirish
Sahifa: /dormitory
Reja panjarasidagi kataklarning o'rni mobil ilovadagi qavat rejasida ham xuddi shunday ko'rinadi. Joylashuvni o'zgartirish alohida rejim ortida: shunday qilinganki, oddiy ishlash paytida katakni tasodifan sudrab yuborib bo'lmaydi.
| № | Rasmda nima | Bu nima uchun kerak |
|---|---|---|
| 1 | Joylashuv | Rejimni yoqadigan tugma (sxema ko'rinishida turganda ko'rinadi). |
| 2 | Bekor qilish | O'zgarishlarni tashlab, rejimdan chiqadi. |
| 3 | Joylashuvni saqlash | Yangi joylashuvni saqlaydi. Butun qavat bitta so'rovda yoziladi. |
| 4 | Ko'rsatma | "Xonani sudrab joyini o'zgartiring. Mobil ilovadagi qavat rejasi shu joylashuvni ko'rsatadi." |
| 5 | Sudraladigan kataklar | Rejimda kataklar sudralishga tayyor: bosib turgan holda kerakli joyga olib boriladi. |
- 1Binoni va qavatni tanlang, "Sxema" ko'rinishida turing.
- 2"Joylashuv" tugmasini bosing.
- 3Katakni bosib turgan holda kerakli joyga sudrang. Band katak ustiga tashlansa, ikkalasi o'rin almashadi.
- 4"Joylashuvni saqlash" tugmasini bosing — "Qavat rejasi saqlandi" xabari chiqadi.
- 5Fikringizdan qaytsangiz, "Bekor qilish" — hech narsa saqlanmaydi.
21.4. Bino qo'shish va tahrirlash
Sahifa: /dormitory
Yangi bino — chapdagi ro'yxat ostidagi "Bino qo'shish" tugmasi bilan. Mavjud binoni tahrirlash uchun uning qatoriga sichqonchani olib borsangiz, o'ng chetida qalam belgisi paydo bo'ladi. Bu yerda kiritilgan ma'lumot (rasm, narx, qulayliklar, komendant, xarita nuqtasi) talabaning MOBIL ILOVASIDA ham ko'rinadi.
| № | Rasmda nima | Bu nima uchun kerak |
|---|---|---|
| 1 | Forma sarlavhasi | "Bino ma'lumotlari mobil ilovada ham ko'rinadi" degan eslatma bilan. |
| 2 | Bino rasmi | Talaba ilovasida shu rasm ko'rinadi. |
| 3 | Rasmni almashtirish / olib tashlash | JPG, PNG yoki WebP fayl tanlanadi. |
| 4 | Nomi * | Majburiy: masalan "1-yotoqxona". |
| 5 | Manzil | Ko'cha va uy raqami. |
| 6 | Qavatlar soni * | Majburiy. Xona faqat shu songacha bo'lgan qavatga qo'shiladi. |
| 7 | Blok | Bino bloki (A, B...) — bo'lsa. |
| 8 | Joriy holat | Tizim o'zi hisoblaydi: nechta xona, joy, band va bo'sh. Qo'lda kiritilmaydi. |
| 9 | Bekor qilish | Saqlamasdan yopadi. |
| 10 | Saqlash | Bino ma'lumotlarini saqlaydi. |
| № | Rasmda nima | Bu nima uchun kerak |
|---|---|---|
| 1 | Narx va reyting | Bo'lim sarlavhasi. |
| 2 | Narx (dan), so'm | Eng arzon xona narxi — ilovada "... so'mdan" deb ko'rinadi. |
| 3 | Narx (gacha), so'm | Eng qimmat xona narxi. |
| 4 | Reyting (0–5) | Binoning umumiy bahosi. |
| 5 | Qulayliklar | Wi-Fi, Dush, Isitish, Kir yuvish, 24/7 qo'riqlash — bosib yoqiladi/o'chiriladi. |
| 6 | Tanlangan qulaylik | Yoqilgan qulaylik ko'k rangda belgilanadi. |
| 7 | Komendant | Bo'lim sarlavhasi. |
| 8 | Ismi | Komendant F.I.Sh. |
| 9 | Telefon | Komendant telefon raqami. |
| 10 | Qabul vaqti | Masalan: 08:30 – 17:30 (Dushanba–Juma). |
| 11 | Xaritadagi joylashuvi | Bo'lim sarlavhasi. |
| 12 | Kenglik (latitude) | Xarita koordinatasi. |
| 13 | Uzunlik (longitude) | Xarita koordinatasi. |
| 14 | Izoh | Ilovadagi "Yo'nalish" tugmasi shu nuqtaga olib boradi. To'ldirilmasa, xarita umuman ko'rsatilmaydi. |
Eslatma: Qulayliklar ro'yxati qat'iy — faqat shu beshtasi. Ular mobil ilovadagi ikonkalarga bog'langan, shuning uchun ro'yxatga o'zboshimchalik bilan yangi qulaylik qo'shib bo'lmaydi.
21.5. Xona qo'shish va tahrirlash
Sahifa: /dormitory
Yangi xona — reja panjarasining oxiridagi "+ Xona" katagi orqali (ro'yxat ko'rinishida esa "Xona qo'shish" tugmasi bilan). Mavjud xonani tahrirlash — o'ng paneldagi qalam belgisi bilan.
| № | Rasmda nima | Bu nima uchun kerak |
|---|---|---|
| 1 | Turi * | Katak turi: Xona, Sanuzel, Zinapoya, Lift yoki Bo'sh katak. |
| 2 | Xona raqami * | Masalan: 204. |
| 3 | Qavat * | Qaysi qavatga qo'shilishi — odatda ochiq turgan qavat bilan to'ldirilgan bo'ladi. |
| 4 | Sig'im (necha kishi) * | Xonada nechta joy borligi. |
| 5 | Jins | O'g'il bolalar / Qizlar / Belgilanmagan. |
| 6 | Maydon, m² | Xona maydoni. |
| 7 | Oylik to'lov, so'm | Bir joyning oylik narxi. |
| 8 | Xona rasmi | Ilovada ko'rinadigan rasm. |
| 9 | Rasmni yuklash | JPG, PNG yoki WebP; faylni shu yerga sudrab tashlash ham mumkin. |
| 10 | Qulayliklar | Xona darajasidagi qulayliklar. |
| 11 | Bekor qilish | Saqlamasdan yopadi. |
| 12 | Qo'shish | Xonani qo'shadi. Majburiy maydonlar to'ldirilmaguncha tugma faol bo'lmaydi. |
| № | Rasmda nima | Bu nima uchun kerak |
|---|---|---|
| 1 | Sarlavha | "<xona raqami> — tahrirlash". |
| 2 | Xona raqami | O'zgartirish mumkin. |
| 3 | Qavat | Xonani boshqa qavatga ko'chirish ham shu yerdan. |
| 4 | Sig'im | Joylar soni. |
| 5 | Jins | Xona kimlar uchun. |
| 6 | Ogohlantirish | Xonada yashovchi bo'lsa: "Xonada 4ta talaba yashayapti — sig'im shundan kam bo'la olmaydi". |
| 7 | Maydon, m² | Xona maydoni. |
| 8 | Oylik to'lov | Bir joyning oylik narxi. |
| 9 | Xona rasmi | Rasmni yuklash yoki almashtirish. |
| 10 | Qulayliklar | Yoqilganlari ko'k rangda. |
| 11 | O'chirish | Xonani butunlay o'chiradi (faqat ichida yashovchi bo'lmasa). |
| 12 | Bekor qilish | Saqlamasdan yopadi. |
| 13 | Saqlash | O'zgarishlarni saqlaydi. |
| № | Rasmda nima | Bu nima uchun kerak |
|---|---|---|
| 1 | Turi ro'yxati | Bosilganda beshta variant chiqadi. |
| 2 | Xona | Haqiqiy xona: sig'im, jins va narx maydonlari ko'rinadi. |
| 3 | Sanuzel | Xizmat katagi. |
| 4 | Zinapoya | Xizmat katagi. |
| 5 | Lift | Xizmat katagi. |
| 6 | Bo'sh katak | Rejadagi bo'sh joy. |
Qavat rejasidagi katak turlari
| Holat | Rangi | Nimani bildiradi |
|---|---|---|
| Xona | Ko'k | Haqiqiy xona — sig'imi bor, joy hisobiga kiradi. |
| Sanuzel | Kulrang | Xizmat katagi — joy hisobiga kirmaydi. |
| Zinapoya | Kulrang | Xizmat katagi. |
| Lift | Kulrang | Xizmat katagi. |
| Bo'sh katak | Oq | Rejadagi bo'sh o'rin. |
Diqqat: Turi "Xona" dan boshqasiga o'zgartirilsa, sig'im, jins va narx maydonlari formadan yo'qoladi — xizmat katagida ular ma'noga ega emas. Ichida talaba yashayotgan xonani o'chirib bo'lmaydi: avval yashovchilar chiqariladi.
21.6. Qavat qo'shish
Sahifa: /dormitory
Binoda yangi qavat ochilsa, chapdagi qavatlar ro'yxati ostidagi "Qavat qo'shish" tugmasi bosiladi (Rasm 57, 9). Tugma binoning qavatlar sonini bittaga oshiradi va ekran darhol yangi qavatga o'tadi — u boshida 0 xona bilan turadi, keyin "+ Xona" orqali xonalar qo'shiladi.
Eslatma: Bazada qavat alohida ro'yxat emas — u binoning "Qavatlar soni" maydoni. Shu sababli avval qavat qo'shilmasa, yangi qavatga xona qo'shib bo'lmaydi (tizim ruxsat bermaydi). Qavatlar sonini bino formasidan (21.4) ham o'zgartirish mumkin.